"Liverpul" məşhur "Adidas" şirkəti ilə uzunmüddətli müqavilə imzalayıb.
90deqiqe.Az-ın məlumatına görə, bu barədə Mersisayd klubunun rəsmi saytı məlumat yayıb.Yeni müqavilənin detallarına dair əlavə məlumat verilməyib.
Avqustun 1-dən etibarən "Liverpul" Almaniyanın idman geyimləri brendinin formasında oynayacaq. Bundan əvvəl tərəflər artıq iki dəfə - 1985-1996 və 2006-2012-ci illərdə əməkdaşlıq ediblər. İngiltərə Premyer Liqasının 29 turundan sonra 70 xalı olan "Liverpul" turnir cədvəlinə başçılıq edir. Arne Slotun yetirmələri ikinci yerdə qərarlaşan “Arsenal”ı 15 xal qabaqlayır.
