Ekspert deyib ki, belə münbit “futbol fabriki” AFFA-nın sabiq rəhbərləri – Rövnəq Abdullayevlə Elxan Məmmədovun qruplaşmaları tərəfindən dağıdılıb: “İnfrastruktur məhv edildi, uşaq futbolu sıradan çıxarıldı. Rövnəq Abdullayevin rəhbərlik etdiyi AFFA Azərbaycan çempionatını “Bakı çempionatı”na çevirdi. İndi Cənubda futbol yalnız “Xəzər Lənkəran” və “Viləş”in veteranlarını maraqlandırır. Yalnız onlar nəsə etməyə çalışırlar, min bir əzabla uşaq futbolunun tam dağılmasının qarşısını alırlar. Bölgədə böyük futbol üçün infrastruktur, demək olar ki, yoxdur. Lənkəran stadionu dağılmaq ərəfəsindədir. Bölgə futboluna böyük zərbə vuranlardan biri də Mübariz Mənsimov olub. Lənkəran stadionun ona məxsusdur, baxımsızlıqdan dağılır. Masallıdakı stadionu da vaxtilə Mübariz Mənsimova, demək olar ki, havayı verdilər. Söz vermişdi ki, orada yeni stadion inşa edəcək, futbol akademiyası açacaq. Amma heç nə etmədi. Üstəlik, stadionu da geri qaytarmır. Stadionu geri qaytarsa, hansısa iş adamı orada infrastruktur qura bilər”. N.Muxtarlı yeni AFFA rəhbərliyinin bölgə klublarının sayını artırdığını da qeyd edib: “Amma belə görünür ki, Cənub futbolu onların da gözündən uzaq düşüb. Azərbaycanın bölgələri arasında belə ayrı-seçkilik etməklə futbolu inkişaf etdirmək mümkün olmayacaq. Futbolun inkişafını istəyiriksə, toxum ənənəsi, futbol dəyərləri olan bölgələrə səpmək lazımdır. Azərbaycan futbolunun ən münbit bölgəsi isə Cənubdur. Burada futbol olmayacaqsa, Azərbaycanda futbol olmayacaq. AFFA rəhbərliyi baxışını dəyişməli, Cənub bölgəsində infrastrukturun yaradılması, komandaların qurulması ilə bağlı real addımlar atmalıdır”. Sevinc İbrahimzadə / Metbuat.az
