8 mart 2025-ci il tarixdə 8 mart - Beynəlxalq Qadınlar Günü münasibətilə YAP Xocavənd Rayon Təşkilatının və Xocavənd rayon İcra Hakimiyyətinin əməkdaşları Vətən müharibəsində şəhid olan qəhrəman övladlarımızın ailələrini ziyarət edib, şəhid analarına və xanımlarına bayram təbriklərini çatdırıblar.
Şəhid ailələrinin ziyarəti zamanı Şəhidlərimizin xalqımızın qəlbində daim yaşayacağı və gələcək nəsillər üçün örnək olacağı vurğulanıb.
Bildirilib ki, ölkə başçısı tərəfindən şəhid ailələrinə göstərilən diqqət və qayğı bu gün Xocavənd rayonunda da davam etdirilir.
Şəhid anaları və xanımları onlara göstərilən diqqət və qayğıya görə möhtərəm Prezidentimiz, Silahlı Qüvvələrin Ali Baş Komandanı İlham Əliyevə və Birinci vitse-prezident Mehriban xanım Əliyevaya təşəkkürlərini bildiriblər.
