Miqren həyat keyfiyyətinə ciddi təsir göstərən baş ağrısıdır. Müalicə prosesində baş ağrılarının tezliyi və şiddəti nəzərə alınaraq fərdi yanaşma tətbiq edilməlidir.
E-saglam.az xəbər verir ki, miqren müalicəsində dərman terapiyası geniş istifadə olunur. 6-9 ay davam edən bu müalicə miqrenin tezliyini və şiddətini azalda bilər. Ağrıkəsicilər isə ehtiyatla istifadə olunmalı, uzun müddət qəbul edildikdə baş ağrılarının daha tez-tez yaranmasına səbəb ola biləcəyi nəzərə alınmalıdır.
Son illərdə botoks tətbiqləri də geniş yayılıb. Baş və boyun nahiyəsinə vurulan botoks inyeksiyaları miqrenin şiddətini azalda və uzunmüddətli rahatlıq təmin edə bilər.
Qida həssaslığı da miqrenin əsas səbəblərindən biri hesab edilir. Qida testləri sayəsində miqreni tətikləyən qidalar müəyyən edilə və onların rasiondan çıxarılması ilə baş ağrıları azaldıla bilər.
Miqrenin effektiv müalicəsi üçün fərdi yanaşma vacibdir. Müxtəlif üsulların kombinasiyası ilə ağrıları idarə etmək və həyat keyfiyyətini yüksəltmək mümkündür.
Tərcümə: Könül Oruc
