Mən yaz fəslini, baharı çox sevirəm! Bahar öz ətri, gül-çiçəyi ilə fərq yarada bilir. Qəlbimizi oxşayan, ruzi-bərəkətli, yeni nəfəsli, duyğulu, xoş ovqatlı bahar!
İlkin olaraq beynimdə böyük şairimiz Səməd Vurğunun "Bahar şərqisi" şerindəki misralar dolandı:
Günəş doğdu, yayıldı,
Yatan ellər ayıldı.
Açdı çiçəkli güllər,
Dilə gəldi bülbüllər.
Baharın ilk müjdəçisi novruz çiçəkləridir. Qarlı-şaxtalı qış günündə tarpağın altından baş qaldırıb bizi "salamlayır". Biz isə onu sevərək dərib öz otağımıza gətiririk. O zaman bilirik ki, qış qayğılarımız azalır, güllü-çiçəkli bahar gəlir.
Sonda fürsətdən istifadə edib məktəbimizin müəllimlərini, bu yazını oxuyan hər kəsi və Azərbaycan xalqını Novruz Günləri-Bahar Bayramı münasibətilə təbrik edirəm!
Nuranə Qasımlı,
İmişli rayonu Cəfərli kənd Fazil Rəhimov adına 2 nömrəli tam orta ümumtəhsil məktəbinin V sinif şagirdi
MİA.AZ
