Aktyor Maykl Şin qonşularının 1,3 milyon dollarlıq borcunu üzərinə götürüb.
Yeniavaz.com xəbər verir ki, “The Queen”, “Frost/Nixon” və “Good Omens” filmlərindəki rolları ilə məşhurlaşan Şin iki il əvvəl doğma Cənubi Uelsdə 900 nəfərə kömək etmək və qısamüddətli kreditlər üzrə yüksək faiz dərəcələri tələb edən borc sənayesinin təhlükələrinə işıq salmaq məqsədi ilə borcları üzərinə götürməyə başlayıb.
Onun səyləri “Michael Sheen's One Milyon Pound Giveaway” adlı sənədli filmdə təfərrüatlı şəkildə göstəriləcək. Sənədli filmdə o, öz pulunun 10 misli dəyərində borc almağa imkan verən borc sənayesinin mürəkkəb maliyyə strukturlarını izah edir.
