Orucun orqanizmə bir çox müsbət təsiri var.
Medicina.az xəbər verir ki, bunlardan ən əhəmiyyətlisi otofagiya prosesinin başlamasıdır. Otofagiya hüceyrələrin özünü təmizləməsi və yenilənməsi prosesidir.
Başqa sözlə, bədən zədələnmiş və ya funksiyası pozulmuş hüceyrələri parçalayır və yeni, sağlam hüceyrələr yaradır.
ORUCUN DİGƏR FAYDALARI:
- İmmunitet sistemini gücləndirir:
Bədən istirahət etdikdə və həzm sistemi işi azaltdıqda, immunitet sistemi özünü daha yaxşı bərpa edir.
- İnsulin həssaslığını artıra bilər:
Oruc zamanı insulin səviyyəsi aşağı düşür, bu da orqanizmi insulinə daha həssas edir və diabet riskini azaldır.
- Beyin funksiyalarını dəstəkləyir:
Oruc tutmaq beyin sağlamlığını qoruyan BDNF (Brain Derived Neurotrophic Factor) səviyyəsini artıra və yaddaşı yaxşılaşdıra bilər.
- Yağların yanmasını sürətləndirir:
Uzun müddətli oruc bədəni enerji üçün yağ yandırmağa sövq edir və arıqlamağa kömək edə bilər.
- Həzm sistemini rahatlaşdırır:
Gün ərzində davamlı yemək həzm sistemini yorur. Oruc sayəsində bağırsaqların bərpası imkanı yaranır.
Aygün
Medicina.az
