Astara, 12 mart, İlkin Adıyev, AZƏRTAC
Astarada nəqliyyat vasitəsi orta yaşlı kişini vuraraq öldürüb.
AZƏRTAC-ın bölgə müxbiri xəbər verir ki, hadisə səhər saatlarında Astara şəhəri ərazisində baş verib.
Ağır bədən xəsarətləri alan piyada hadisə yerində ölüb. Qəzanı törətməkdə şübhəli bilinən şəxs isə hadisə yerindən qaçıb. Onun saxlanılaraq istintaqa təhvil verilməsi istiqamətində işlər aparılır.
Faktla bağlı araşdırma aparılır.
