Bir qrup xristian təşkilatları Liderləri ABŞ Prezidenti Trampa əcaib məktub göndərib.
AzPost bildirir ki, onlar müraciətdə “Azərbaycanda saxlanılan 24 xristian girovla”(??) ilə bağlı təcili tədbir görülməsinə çağırıblar.
Mətnlə tanış olan hər kəsdə ilk baxışda elə təəssürat yaranır ki, Bakıda xristianları kimlərsə girov tutub.
Amma müraciəti oxuduqca acı təəssüf hissi ortaya çıxır.
Sən demə Amerika xristian liderlərinin koalisiyasının prezident Donald Trampa göndərdiyi məktub Azərbaycanda məhkəməsi keçirilən Qarabağ separatçıları ilə bağlıdır. O şəxslər ki, onların ucbatından 1 milyondan çox azərbaycanlı dədə-baba yurdlarından qaçqın düşüb, evləri dağılıb, yurdu talan edilib. Bu gün yeni “Nürenberq prosesi”ndə bu cinayətkarların iç üzləri, əməlləri açılır, dəhşətli və qanlı maskaları yırtılır.
Qərəzli şəkildə yazılan, yalan və saxtakarlıq mesajları ilə “göz yaşı” tökən bu şəxslər müraciətlərində bir dəfə də olsun BMT tərəfindən tanınan Azərbaycanın ərazilərində 30 il işğal altında saxlamış Ermənistanın təcavüzkar siyasətini xatırlamırlar.
Məktubu imzalayanların siyahısı da maraqlıdır.
Onların içində sabiq konqresmen Sem Braunbeki görmək o qədər də təəccüblü deyil.
Lakin məşhur Şindlerin nəvəsi, “Schindler’s Ark” şirkətinin baş direktoru Rozmari Şindler Qarlounun imzası təəssüf doğurur. O, görünür yəhudiləri xilas etmiş babası Şindlerin irsini unudub: Rahibə Rozmari Xocalı soyqırımını xatırlasa idi, bu məktuba imza atmağı etiqadına yəqin ki, sığışdırmazdı.
Siyahıda USCİRF-in komissarı, doktor David Carrinin də adı var.
USCIRF xaricdə din və ya inanc azadlığına dair universal hüquqa nəzarət edən ABŞ federal hökumət komissiyasıdır. 1998-ci ildə Beynəlxalq Dini Etiqad Azadlığı Aktı (IRFA) tərəfindən yaradılıb. USCIRF Prezident, Dövlət Katibi və Konqresə siyasi tövsiyələr verir. ABŞ-Azərbaycan münasibətlərinin yeni periodu tərəfdaşlıq və dostluq prioritetləri üzərində köklənəcəyini hər iki dövlətin rəsmilər açıqlayırlar.
Belə bir zamanda komissar Karrinin imzasının bu basmaqəlib “müraciətdə” peyda olması düşündürücüdür.
Azərbaycanın öz ərazi bütövlüyünü təmin etməsi və regional güc mərkəzi kimi söz sahibinə çevrilməsi görünür bir sıra dairələri ciddi narahat edib.
Ənənvi “erməni ağlaşması”nın yalançı tezislərinin qurbanına çevirlmiş “məktub müəllifləri” yəqin ki, dinin tələb etdiyi ədalətli olmaq və yalan danışmamağı gözəl bilirlər.
Amma təəssf ki, özlərini xristian dini liderləri adlandıran bu zatlar Azərbaycanla bağlı məsələdə gözlərini yummağa üstünlük veriblər.
Məktubu imzalayanların tam siyahısına aşağıdakılar daxildir:
Dr. Alveda Kinq – Amerika Arzusu Mərkəzinin sədri
Mişel Baxman – Robertson Hökumət Məktəbinin dekanı
Sohrab Ahmari – UnHerd ABŞ redaktoru
Rod Dreher – jurnalist və yazıçı
Troy Miller – Milli Dini Yayımların prezidenti və baş direktoru
Sean Feucht – missioner, musiqiçi, aktivist, müəllif və natiq
Wiliyam Vulf – Baptist Liderlik Mərkəzinin İcraçı Direktoru
Bob Vander Plaats -Prezident və Baş Direktor, AİLƏ Lideri
Dede Laugesen – Save Resecuted Christians təşkilatının icraçı direktoru
Suzann Bok Grisman – Mercury One, Inc. və Nazarene Fondu
Səfir Alberto Fernandez- Yaxın Şərq Media Araşdırmaları İnstitutunun vitse-prezidenti
Dr. Cim Garlou – Well Versed şirkətinin baş direktoru
Rozmari Şindler Qarlou – “Schindler’s Ark” şirkətinin baş direktoru
Dr. David Carri – USCIRF komissarı
Nadin Maenza – IRF Katibliyinin prezidenti
Dəniz Bubek – “Sav Armenia”təşkilatının idarə heyətinin üzvü
Dr. Pol Murrey – Qlobal Sülh Fondunun Beynəlxalq vitse-prezidenti
X.SƏFƏRLİ
