"İnter"in futbolçusu Hakan Çalhanoğlu Türkiyə futbolunun tarixinə düşüb.
Publika.az xəbər verir ki, yarımmüdafiəçi Çempionlar Liqasında (ÇL) çıxış edən türkiyəli futbolçuları arasında unikal nailiyyətə imza atıb. O, 1/8 final mərhələsinin "Feyenoord"la matçında (2:1) 51-ci dəqiqədə penaltini dəqiq yerinə yetirməklə turnirdə yubiley - 10-cu qolunu vurub. Onun aktivində eyni zamanda 11 məhsuldar ötürmə də var.
Nəticədə 31 yaşlı futbolçu ÇL-də 10+ qol vuran və 10+ məhsuldar ötürmə verən ilk türk futbolçu olub. Hakan bunu 51 oyunda iştirak etməklə bacarıb.
Qeyd edək ki, iki görüşün nəticəsinə görə Niderland klubundan üstün olan "İnter" Çempionlar Liqasının 1/4 finalında "Bayern"lə qarşılaşacaq.
