Polşanın baş naziri Vladislav Kosinyak-Kamış yeni sahilyanı raket briqadası yaratmaq planlarını rəsmən açıqlayıb.
Herbiand.az bildirir ki, bu qərar xüsusilə Baltik dənizi regionunda artan təhlükəsizlik problemləri kontekstində Polşanın hərbi potensialının gücləndirilməsinə yönəlib.
Polşa Silahlı Qüvvələrinin vəziyyətinin son təhlili göstərib ki, ölkənin dəniz qüvvələrinin bir çox aktivləri köhnəlib və müasir təhlükələrə, xüsusən də qonşu Rusiyadan gələn təhlükələrə qarşı durmaq üçün zəif təchiz olunub. Bundan əlavə, raket və hava təhdidləri də daxil olmaqla, müxtəlif növ dəniz fəaliyyətlərinə qarşı durmağa qadir olan daha müasir sahilyanı gəmilərə təcili ehtiyac var.
Yeni briqada mövcud MJR sahil raket bölməsinin (Morska Jednostka Rakietowa - Polşa Hərbi Dəniz Qüvvələrinin tərkibində müasir raket sistemlərinin istismarı və texniki xidmətinə cavabdeh olan ixtisaslaşdırılmış bölmə) əsasında formalaşacaq.
Bəxtiyar CƏFƏRLİ
