“Brügge”nin baş məşqçisi Niki Hayen Çempionlar Liqasının 1/8 finalının “Aston Villa” ilə cavab oyunundan gözləntisini açıqlayıb.
Arena.az belçikalı mütəxəssisin oyunöncəsi mətbuat toplantısında bu barədə səsləndirdiyi fikrini təqdim edir:
“Əgər biz inanmasaydıq, onda heç bu mərhələdə olmazdıq. Biz həmişə inanmalıyıq. “Aston Villa”ya qarşı “Atalanta”ya qarşı etdiyimizi ortaya qoymalıyıq (Çempionlar Liqasının 1/16 final mərhələsində evdə 2:1; səfərdə 3:1 – redaktorun qeydi). Etdiklərimiz bizə inam bəxş edir.
Bildiyimiz yeganə xüsus odur ki, biz öz imkanımıza həqiqətən də inanırıq. Əgər lap kiçik bir faiz varsa belə, biz hələ də inanırıq. Oyunçularım buna inanırlar. Son iki gündə bu, paltardəyişmə otağının mövzusudur.
Ötən oyunda bizim fürsətlərimiz vardı, hansılardan ki, biz həqiqətən yararlanmadıq. Riskə atılsaq, mərhələni adlaya bilərik. Biz bunun daha çətin olacağını bilirik, amma bu, aşkardır.
Biz qalib gəlməliyik. Orada təzyiq olamayacaq. Heç kim bizə fürsət vermir. Bu, bir üstəlik oyunu kimidir, amma biz gedib qalib gəlməyə hazırlaşırıq” deyə Niki Hayen vurğulayıb.
“Aston Villa” – “Brügge” oyunu bu gün, martın 12-də keçiriləcək. Hakim oyunu Bakı vaxtı ilə saat 00:00-da (13 mart) başladacaq.
Xatırladaq ki, evdə keçirilmiş ilk oyunda “Brügge” “şirlər”ə 1:3 hesabı ilə məğlub olub.
