İngiltərənin "Mançester Yunayted" klubu 100 min nəfərlik yeni stadionun tikiləcəyini açıqlayıb.
Marja.az xəbər verir ki, klubun yaydığı məlumatda, "Old Trafford" stadionunu əhatə edən ərazidə 100 min nəfərlik yeni stadionun tikilməsi üçün layihə hazırlandığı bildirilib.
Layihənin bölgəyə genişmiqyaslı sosial və iqtisadi faydalar təmin edəcəyi bildirilən açıqlamada, Böyük Britaniya iqtisadiyyatına əlavə illik 7,3 milyard funt-sterlinq gəlir, 92 min yeni iş yeri, 17 mindən çox yeni evin inşası və ildə 1,8 milyon əlavə ziyarətçi təmin edəcəyi bildirilib.
Yeni stadionun çətir dizaynı və Trafalgar meydanından iki dəfə böyük olan yeni ictimai meydanın olacağı bildirilir. Bildirilir ki, dizaynda 200 metr hündürlükdə və 25 mil məsafədən görünən "üçbucaqlı nizə" kimi təsvir edilən üç dirək olacaq.
"Mançester Yunayted"in səhmdarı Ser Jim Ratcliffe deyib: "Bu gün dünyanın ən böyük stadionunun inşası istiqamətində inanılmaz həyəcanlı bir səyahətin başlanğıcıdır. Hazırkı stadionumuz 115 il ərzində bizə gözəl xidmət göstərdi, lakin idman dünyasındakı ən yaxşı arenalardan geri qaldı".
Digər tərəfdən İngiltərə mətbuatında yer alan xəbərlərə görə, 5 il davam edəcək layihənin 2 milyard funt-sterlinqə başa gələcəyi və yeni stadion tamamlandığında təxminən 74 min nəfərlik tutumu olan və Mançester Yunaytedin 115 ildir matçlarını oynadığı Old Trafford Stadionu söküləcək.
