"Mançester Yunayted"in baş məşqçisi Ruben Amorim növbəti mövsüm üçün planları haqda fikirlərini bildirib.
90deqiqe.Az xəbər verir ki, portuqaliyalı çalışdırıcı bu barədə jurnalistlərə açıqlamasında danışıb.
“Gələn mövsüm üçün dəqiq fəaliyyət planımız var. Hələ Çempionlar Liqasına vəsiqə qazana bilərik ki, bu da gələn mövsümə hazırlığımızı dəyişə bilər. Bizim planımız var və nə edəcəyimizi bilirik. Hansı oyunçuları cəlb etmək baxımından. Avropa Liqası strategiyamızı dəyişə bilər, ona görə də diqqətimizi sabahkı oyuna yönəltmişik”
"Mançester Yunayted" cümə axşamı Avropa Liqasının 1/8 final mərhələsinin cavab oyununda "Real Sosyedad"la qarşılaşacaq. Ruben Amorimin komandası bu turnirdə qalib gəlsə, Çempionlar Liqasına vəsiqə qazanacaq. Turnir cədvəlində 14-cü yerdə qərarlaşan "qırmızı şeytanlar"ın Premyer Liqa vasitəsilə bu problemi həll etməsi çətin olacaq.
