Oğuz, 13 mart, AZƏRTAC
Qaraməryəm-İsmayıllı-Şəki avtomobil yolunun Oğuzun Kərimli kəndi ərazisindən keçən hissəsində qəza baş verib.
AZƏRTAC-ın bölgə müxbiri Şəki-Zaqatala Regional Qaz İstismar İdarəsinə istinadla bildirir ki, "Opel" markalı avtomobilin idarəetmədən çıxması nəticəsində yol kənarındakı qaz xəttinə çırpılıb və onu zədələyib. Hadisədən sonra rayonun Padar və Yemişənli kəndlərində 600-ə yaxın abonentə mavi yanacağın verilişi dayandırılıb.
Qaz xəttinin bərpası məqsədilə hadisə yerinə mütəxəssislər cəlb olunub. Abonentlərə mavi yanacağın verilməsi istiqamətində iş aparılır.
Faktla bağlı araşdırma aparılır.
