Bakı, 13 mart, AZƏRTAC
Boliviyanın cənubundakı Potosi və Çukizaka departamentlərini birləşdirən yolda avtobusun qəzaya uğraması nəticəsində azı 13 nəfər ölüb, 20 nəfər isə yaralanıb.
AZƏRTAC xəbər verir ki, bu barədə Potosi tranzit əməliyyatları agentliyi məlumat yayıb. Qeyd edilib ki, bəzi xəsarətlərin ciddiliyinə görə ölüm halları arta bilər.
Nəqliyyat vasitəsi Sukredən Oruroya doğru hərəkət edib. Yağışlı hava şəraiti yolun sürüşkən olmasına səbəb olub və nəticədə idarəetmədən çıxan avtobus xəndəyə düşüb.
Hadisəylə bağlı araşdırmalara başlanılıb.
