Amerikalı milyarder İlon Maskın “SpaceX” şirkəti buraxılışına bir saatdan az qalmış “Crew Dragon” pilotlu kosmik gəmisinin Beynəlxalq Kosmik Stansiyaya (BKS) uçuşunu təxirə salıb. Oxuməni.az bu barədə “DW”-yə istinadən xəbər verir.
Canlı yayım şərhçisinin sözlərinə görə, martın 12-də (yerli vaxtla) axşama planlaşdırılan buraxılış yerüstü kompleksin hidravlik sistemində yaranan problem səbəbindən ləğv edilib. İndi o, martın 14-ü axşamdan tez olmayacaq.
“Crew Dragon” kosmik gəmisinin ekipajına rus kosmonavtı Kirill Peskov, həmçinin NASA astronavtları Enn Makkleyn və Nikol Ayers eləcə də “JAXA” astronavtı Takuya Onişi daxildir. Bu komanda BKS -də əvvəlki komandanı əvəz etməli idi, rotasiya missiyası ardıcıl onuncu olmalı idi.
Almaz Həsənli
