“Aston Villa”nın baş məşqçisi Unai Emeri UEFA Çempionlar Liqasının 1/8 finalının “Brügge” ilə cavab oyununu (3:0) şərh edib.
Arena.az İngiltərə klubunun rəsmi saytına istinadən, ispan mütəxəssisin bu barədə fikrini təqdim edir:
“Mən, bizim azarkeşlərimizlə, bizim işimizlə, oyunçularımızla, klubla, bütün əməkdaşlarımızla çox qürur duyuram, çünki biz öz tələblərimizin səviyyəsini yüksəldirik.
Qarşımızda dayanmış yüksək məqsədlərə çatmaqla, biz müvafiq səviyyəyə uyğun olmalıyıq. Bizim üçün cari mövsümdə Çempionlar Liqasında iştirak əla imkan idi, biz də bu yarışda baş rolda necə oynamağımız üzərində tamamilə köklənmişik.
Bu gün biz çox ciddi rəqiblə yarışırdıq və əla oyun nümayiş etdirdik. Mən, bizim necə irəlilədiyimizdən məmnunam, indi isə bizi PSJ-yə qarşı dörddəbir final oyunu gözləyir. Bu, azarkeşlərimizin bizi dəstəkləyə biləcəkləri, yeni duyğularını bölüşə biləcəkləri daha iki oyun olacaq, biz isə müvafiq səviyyədə çıxış etməyə davam etmək üçün mümkün hər şeyi edəcəyik”, deyə Unai Emeri vurğulayıb.
Səfərdəki ilk oyunda 3:1 hesablı qələbə qazanmış “Aston Villa” ümumi hesabda (6:1) cütün qalibi olaraq, Çempionlar Liqasının 1/4 finalına vəsiqə qazanıb. “Aston Villa” bu mərhələdə Fransa nəhəngi PSJ ilə qarşılaşacaq. “Brügge” isə ümidlərini növbəti mövsümə bağlamalı olub.
