Çinin dövlət müəssisələri ölkənin şimal-qərbindəki Sincan-Uyğur Muxtar Rayonunun inkişafına dəstək vermək üçün investisiya fəaliyyətini gücləndirib.
Hafta.az-ın yazdığına görə, muxtar rayonda ötən il 40-dan çox dövlət müəssisəsi tərəfindən 336 layihə həyata keçirilib, investisiyaların faktiki həcmi 63,7 faiz artıb. Pekində Sincan-Uyğur Muxtar Rayonu hökuməti tərəfindən təşkil edilən konfransda bildirilib ki, qotyulan sərmayə illik müqayisədə 280 milyard yuanı (təxminən 39,1 milyard dollar) keçib.
İnvestisiyalar neft, təbii qaz, kömür, yeni enerji və nəqliyyat kimi müxtəlif sektorları əhatə edir.
2024-cü ildə Sincanda başa çatan görkəmli layihələrə Çində şist neftinin işlənməsində sıçrayış yaradan gücü ildə 1 milyon tondan çox olan şist nefti hasilatı bazası, eləcə də dünyanın ən uzun sürətli tuneli olan 22,13 km uzunluğunda Tyan Şan Şenqli tuneli daxildir.
Sincan-Uyğur Muxtar Rayonu hökumətinin sədr müavini Çen Veycunun sözlərinə görə, 2025-ci ildə mərkəzi nəzarət altında olan 40-dan çox dövlət müəssisəsi Sincanda 380 milyard yuandan çox (52,5 milyard dollar) sərmayə qoymağı planlaşdırır ki, bu da enerji anbarı, intellektual hesablama mərkəzləri, avadanlıq istehsalı, tibb və sair kimi sahələrə ayrılacaq.
Çen Veyjun deyib ki, dövlət müəssisələri məşğulluğun təşviqində, insanların həyat səviyyəsinin yaxşılaşdırılmasında, Sincanda sənaye inkişafının və iqtisadi artımın təşviqində əsas rol oynayır.
2024-cü ilin sonunda Sincan ÜDM-i 6,1 faiz artaraq 2 trilyon yuanı keçib. Bu il Sincan özünün yaranmasının 70-ci ildönümünü qeyd edir və daha güclü sosial-iqtisadi inkişafı hədəfləyir.
