“American Airlines” şirkətinə məxsus təyyarə Denver hava limanında yanıb.
Bizim.Media xəbər verir ki, Kolorado Sprinqsdən Dallasa uçan “Boeing 737-800 AA 1006” reysi ekipajın mühərrikin titrəməsi barədə məlumat verməsindən sonra Denver aeroportuna təcili eniş etmək məcburiyyətində qalıb.
Enişdən sonra terminala yaxınlaşan təyyarənin mühərriklərindən biri alışıb. Nəticədə uçuş-enmə zolağında qatı tüstü yaranıb.
Təyyarədə 172 sərnişin və 6 ekipaj üzvü olub. Bir neçə nəfər yüngül xəsarət alsa da, onların hamısı qısa zamanda təxliyə edilib.
Federal Aviasiya Administrasiyasının (FAA) məlumatına görə, təyyarə öz marşrutundan yayındıqdan sonra təxminən bir saat havada olub. Mühərrikdəki yanğının səbəbləri araşdırılır.
Bizim.Media
