Həmişə bayram günlərində bazar- dükanda hər şeyin qiyməti kəllə- çarxa qalxır. İndi də belədir.
İkinci çörək adlanan kartofun qiyməti bir manat əlli qəpik olub. Yerli Gədəbəy kartofu isə daha bahadır.Onun kiloqramı iki manatdır. Martın axırına yaxın onun qiyməti bir qədər də bahalaşacaq.Yəqin soğanın da qiyməti kartofundakından az olmayacaq! Bütün çərəzlərin qiyməti demək olar ki, artıb. Qoz, fındıq, badam və digər ləpələr həddindən artıq bahadır!
Dörd nəfərdən ibarət bir ailənin Novruz süfrəsi açmasına 400- 500 manat pul lazımdır! Bu, pul isə hər ailədə yoxdur. Xüsusilə də təqaüdçülər və müavinət alanlar çox çətin ki, belə bir süfrə açsınlar. Ona görə də , belə ailələri imkanlı adamlar diqqətdə saxlamalı və onlara maddi kömək göstərməlidirlər. Mən bir imkanlı adam tanıyıram, hər bayramda yüzdən çox ailəni sevindirir.
Özü də adını heç kimə bildirmir. Ona deyəndə ki, adını niyə bildirmirsən? Cavab verir ki, sağ əl verdiyini, sol əl bilməli deyil.Kasıb insanları sevindirən belə adamları gec- tez Allah da sevindirir və onun ruzisini birə- beş artırır!
Emil Faiqoğlu
