Britaniya Azərbaycana hərbi attaşe təyin etdi

Böyük Britaniya ilk dəfə Azərbaycana hərbi attaşe təyin edib. Manset.az xəbər verir ki, bu barədə məlumatı Britaniyanın Azərbaycandakı Səfirliyi feysbuk hesabında paylaşıb. Bildirilib ki, sözügedən vəzifəyə Gavin Tarbard təyin edilib.

“Bu, Britaniya-Azərbaycan tərəfdaşlığının güclənməsini vurğulayan tarixi addımdır və bizim müdafiə və təhlükəsizlik sahəsində əməkdaşlığımız üçün yeni imkanlar yaradacaq”, - deyə paylaşımda qeyd edilib.