Məlumata görə, keçən həftə DOGE agentliyinə rəhbərlik edən İlon Mask X sosial şəbəkəsində NSA-nın "kökündən yenidən nəzərdən keçirilməsinə" ehtiyac olduğunu bildirib. Ardınca o, xəbərdarlıq etmədən qurumu ziyarət edib və onun rəhbəri ilə görüşüb. Bu addım, NSA-nın işçi heyətinin azaldıla biləcəyi ehtimallarını gücləndirib.
Ekspertlər NSA-nı ABŞ-ın ən mühüm kəşfiyyat strukturlarından biri hesab edir. Agentlik əsasən rabitənin dinlənilməsi və kibertəhlükəsizlik məsələləri ilə məşğuldur.
Mənbələrin məlumatına görə, Müdafiə naziri Pit Hegsetin göstərişi ilə bəzi kəşfiyyat qurumları mülki işçilərin sayını 5-8% azaltmaq tapşırığı alıb. NSA əməkdaşlarına erkən təqaüdə çıxmaq təklif edilə bilər. Bundan əlavə, Mərkəzi Kəşfiyyat İdarəsində (CIA) artıq işdən çıxarılmalar başlayıb.
Zeynəb Mustafazadə
