ABŞ prezidenti Donald Trampın administrasiyası ölkənin Ali Məhkəməsindən Amerika torpaqlarında doğuş vətəndaşlığının ləğvi haqqında sərəncamı əngəlləyən federal məhkəmə qərarını ləğv etməyi xahiş edib. Bu barədə “CNN” məhkəmə bazasına istinadən məlumat yayıb.
Bundan əvvəl federal və Merilend ştatının hakimi Trampın doğum hüququ ilə vətəndaşlığa son qoymaq əmrinə ümummilli qadağa qoyub. Ağ Evin müraciətləri rədd edilib.
"Məhkəmə heç olmasa, icra orqanlarına vətəndaşlıq haqqında fərmanın qüvvəyə mindiyi təqdirdə onu necə həyata keçirəcəklərini izah edən təlimat hazırlamağı və verməyi qadağan edən hər üç ilkin göstərişi dayandırmalıdır,"- vəsatətdə deyiıir.
ABŞ Ədliyyə Departamentinin sözçüsü Sara Harris izahat notunda mövcud doğuş hüququ ilə vətəndaşlıq siyasətinin qeyri-qanuni miqrasiya üçün güclü stimullar yaratdığına və həmçinin ABŞ-da uşaq sahibi olmaq üçün “turizmi” təhrik etdiyinə diqqət çəkib.
Yanvarın sonlarında Tramp xəbərdarlıq etmişdi ki, doğuş vətəndaşlığına qoyulan qadağanı müdafiə etmək üçün Ali Məhkəməyə qədər getməyə hazırdır.
Tramp 20 Yanvar İnauqurasiya Günündə doğulan uşaqlara ABŞ vətəndaşlığının verilməsini məhdudlaşdıran fərman imzalayıb.
O vaxtdan bəri 22 ştat buna etiraz etmək üçün məhkəməyə müraciət edib. İddiaçıların əsas arqumenti Trampın təkbaşına belə bir aktı qəbul etməsinin mümkünsüzlüyüdür. Yanvarın 24-də Sietl məhkəməsi Trampın doğuş hüququ olan ABŞ vətəndaşlığını məhdudlaşdıran yeni sərəncamını dayandırıb.
Almaz Həsənli
