Bəşir Süleymanlı ilə birgə saxlanılan Altay Məmmədzadənin də həbs edildiyi bildirilir.
Yeniavaz.com xəbər verir ki, bu barədə APA məlumat yayıb.
Bildirilib ki, istintaq orqanı tərəfindən məhkəməyə təqdimat daxil olub:
“Binəqədi Rayon Məhkəməsi təqdimatı təmin edib.
Altay Məmmədzadə barəsində 3 ay 28 gün müddətinə həbs qətimkan tədbiri seçilib.
Altay Məmmədzadə Cinayət Məcəlləsinin 313-cü (Vəzifə saxtakarlığı), 193-1.3.2-ci (Cinayət yolu ilə əldə edilmiş pul vəsaitlərini və ya digər əmlakı leqallaşdırma, xeyli miqdarda törədildikdə) və 308.2-ci (vəzifə səlahiyyətlərindən sui-istifadə) maddələri ilə təqsirləndirilən şəxs qismində cəlb edilməklə barəsində 3 ay 28 gün müddətinə həbs qətimkan tədbiri seçilib”.
Qeyd edək ki, daha öncə Vətəndaş Hüquqları İnstitutunun rəhbəri Bəşir Süleymanlının həbs edildiyi barədə məlumat yayılıb