Ağ Evdə Oval kabinetdəki qırmızı düymə nüvə silahı atmaq üçün deyil, “Diet Cola” sifariş etmək üçündür.
“Cebheinfo.az” xəbər verir ki, bunu ABŞ Prezidenti Donald Tramp “Fox News”-a müsahibəsində bildirib.
“Hamı bunun nüvə silahı olduğunu düşünür. Deyirlər ki, mən onu bassam, dünyanın sonu gələcək”, - Tramp bildirib.
Trampın masası prezident kimi ilk dövründə belə bir cihazla təchiz edilib. Bununla belə, 2021-ci ildən 2025-ci ilə qədər dövlət başçısı vəzifəsində çalışmış Co Bayden basıldıqda otağa bir stəkan qazlı içki gətirən düymənin çıxarılmasını əmr tdib.
Respublikaçı Tramp yanvarın 20-də ikinci dəfə ABŞ administrasiyasının rəhbəri vəzifəsinə başlayıb. O, 2024-cü il noyabrın 5-də keçirilən növbəti ABŞ seçkilərində qalib gəlib. Tramp ilk dəfə 2017-2021-ci illərdə Amerika lideri olub. O, ABŞ tarixində fasilədən sonra yenidən ən yüksək dövlət idarəsinə daxil olan ikinci şəxs olub. Əvvəllər buna yalnız Qrover Klivlend (1885-1889-cu illərdə 22-ci və 1893-1897-ci illərdə 24-cü prezident) nail ola bilmişdi. Tramp ABŞ-nin 45-ci və 47-ci prezidenti olub.
