1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Hər dəfə bizə məcburi köçkün deyəndə sinəmizə dağ çəkilib sanki".
Bunu Oxu.Az-a açıqlamasında bu gün Ağdam rayonunun Sarıcalı kəndinə köç edən keçmiş məcburi köçkün Dərya Cəfərova deyib.
O qeyd edib ki, bu gün illərdir ona əzab verən məcburi köçkün statusu artıq ləğv olur və o öz doğma yurduna qovuşur:
"Hər dəfə bizə məcburi köçkün deyəndə sanki ürəyimə dağ basılırdı. İllər keçdi, biz bu ada öyrəşdik, bizim üçün adiləşdi. Çox şükür ki, 44 günlük müharibə zəfərlə başa çatdı və biz öz doğma yurd-yuvamıza qovuşduq.
Biz gözəl, abad bir şəhərdən köçkün düşdük. Ermənilər gözəl şəhərimizin altını üstünə çevirdilər. Daşı daş üstündə qoymadılar. Bu gün isə Ağdamımız yenidən tikilir, qurulur.
Bu günləri bizə yaşatdığı üçün Ali Baş Komandanımıza, müzəffər Ordumuza minnətdarıq. Allah şəhidlərimizə rəhmət eləsin, qazilərimizə cansağlığı versin!"
Xatırladaq ki, bu gün növbəti köç karvanı Ağdam rayonunun Sarıcalı kəndinə yola salınır. Bu mərhələdə daha 28 ailə (110 nəfər) öz doğma yurduna köçürülür.
Qeyd edək ki, hazırda Qarabağda və Şərqi Zəngəzurda, oraya köçürülən keçmiş məcburi köçkünlərlə yanaşı, bu bölgədə aparılan layihələrin icrasında çalışan, həmçinin ayrı-ayrı dövlət qurumlarının yerli bölmələrində xidməti vəzifələrini yerinə yetirən, yenidən fəaliyyətə başlamış səhiyyə, təhsil, mədəniyyət, turizm, sənaye, energetika müəssisələrində işləyən, ümumilikdə, 40 minə yaxın insan yaşayır.
Rövşən Əsədov
