Xavi Robertonun qalmasını istəyir

“Barselona”da qalmağa qərar verən baş məşqçi Xavi Ernandes, yeni mövsümün planlarını qurmağa başlayıb. Bu mövsüm titul qazanmaq ehtimalı demək olar, qalmayan İspaniya nəhənginin çalışdırıcısı yayda daha güclü kollektiv formalaşdırmaq niyyətindədir.

Futbolinfo.az xəbər verir ki, Xavinin ilk işi komandadan ayrılmağa qərar verən Serxi Robertonu saxlamaq olacaq: “Robertonun qalmasını və yeni müqavilə imzalamasını istəyirəm, artıq qərar vermək ona qalıb. Klub və futbolçu niyyətimi bilir, Serxi mənim üçün kilid oyunçulardan biridir”.

32 yaşlı Roberto “Barselona” yetirməsidir. Bütün karyerasını bu kluba həsr edən futbolçu yayda MLS-ə yollanmaq niyyətinə düşüb.