AMB 2024-cü ildə cari əməliyyatlar hesabının profisitli olacağını gözləyir

Azərbaycanda yenilənmiş proqnozlara əsasən mövcud meyillər davam edəcəyi təqdirdə 2024-cü ilin yekunu üzrə cari əməliyyatlar hesabının profisitli olacağı gözlənilir.

"İki sahil” bu barədə Azərbaycan Mərkəzi Bankının (AMB) bəyanatında deyilir.

"Tədiyə balansının əsas komponenti olan ticarət balansında bu ilin I rübündə 2,3 milyard ABŞ dolları məbləğində cari əməliyyatlar hesabında profisit formalaşıb", - AMB bildirir.

Beynəlxalq Valyuta Fondu (IMF) 2024-cü il üçün Azərbaycanın tədiyə balansının cari əməliyyatlar hesabının profisitini ÜDM-in 8,5 %-i səviyyəsində proqnozlaşdırır. Dünya Bankı isə Azərbaycanın ortamüddətli perspektivdə cari əməliyyatlar hesabının profisitini ÜDM-in 7,5 %-i həcmində proqnozlaşdırılır,

Qeyd edək ki, 2023-cü ildə Azərbaycanın tədiyə balansının cari əməliyyatlar hesabının profisiti 8 milyard 329,4 milyon ABŞ dolları və ya ÜDM-in 11,5 %-ini təşkil edib. 2022-ci illə müqayisədə profisit 64,5 % və ya 2,8 dəfə azalıb ki, bu da 2023-cü ildə neft və qazın ucuzlaşması ilə əlaqədardır.

Tədiyyə balansına əsasən, 2023-cü ildə neftin orta qiyməti bir barel üçün 85,9 ABŞ dolları olub. Halbuki 2022-ci ildə bu rəqəm 103,7 ABŞ dollarına bərabər idi.

Neft-qaz sektorunda profisit 17 milyard 91,5 milyon ABŞ dolları (40,4 % azalma), qeyri-neft-qaz sektorunda isə 8 milyard 762,1 milyon ABŞ dolları (68,9 % artım) təşkil edib.