Rusiyalı milyarderlər gəlirlərini artırıblar – Bloomberg

Rusiyalı milyarderlər daha da varlanıblar.

KONKRET.az xəbər verir ki, bu haqda məlumat Bloomberg Milyarderlər İndeksində təqdim olunub .

Həmin məlumatlara görə, 2024-cü ilin ilk dörd ayında ən varlı iş adamlarının ümumi sərvəti 14,89 milyard dollar artıb.

Məsələn, “Eurochem” və “SUEK”in keçmiş benefisiarı Andrey Melniçenkonun sərvəti 5,34 milyard dollar artaraq 24,2 milyarda çatıb. O, reytinqdə altıncı yeri tutub və ardıcıl ikinci ay ruslar arasında bu göstərici üzrə lider olub.

Rusiyalı sahibkarlar arasında ən zəngini “Interros holdinq”in və “Norilsk Nikel”in prezidenti Vladimir Potanin olaraq qalır – onun sərvəti ilin əvvəlindən 255 milyon dollar artaraq 31,3 milyard dollara çatıb. İkinci və üçüncü yerləri “Lukoyl”un ortaq sahibi Vahid Ələkbərov (üstəgəl 2,78 milyard dollar, 27,4 milyard dollara qədər) və NLMK benefisiarı Vladimir Lisin (əlavə olaraq 3,47 milyard, 27,4 milyard dollara qədər) bölüşdürüb .

BBI reytinqinə dünyanın ən zəngin 500 adamı daxildir. Bu siyahıya 26 rusiyalı daxildir – onların ümumi sərvəti mayın 1-nə 348,72 milyard dollara çatır.

Rəsmiyyə Şərifova,

KONKRET.az