İlk F-16 qırıcıları Pasxa bayramından sonra Ukraynada peyda ola bilər. Lakin çatdırılma tarixi artıq bir neçə dəfə dəyişib.
Tribunainfo.az xəbər verir ki, bu barədə Ukrayna Silahlı Qüvvələrinin Hərbi Hava Qüvvələrinin spikeri İlya Yevlaş “Novosti.LIVE” efirində danışıb.
F-16-nın çatdırılma vaxtı ilə bağlı məlumatların olub-olmaması ilə bağlı suala Yevlaş belə cavab verib: “Bəli, Pasxadan sonra”. Eyni zamanda, spiker qeyd edib ki, Hərbi Hava Qüvvələri “bu tarixlər haqqında düşünmür”, çünki tarixlər bir neçə dəfə dəyişib.
“Bizim vəzifəmiz bizə verilənlərlə işləməkdir, biz təchizat üçün birbaşa cavabdeh deyilik, bu, ali hərbi-siyasi rəhbərliyə aid sualdır. İlk qırıcılar Ukraynaya gələndə biz bu barədə mütləq danışacağıq”, – deyə Yevlaş əlavə edib.
Xatırladaq ki, bu il pravoslav Pasxa bayramı may ayının 5-də qeyd ediləcək.
