"Regionlarda imtahan zamanı şagirdlərə kömək edilir" - İDDİA

"Onda ortaya belə bir sual çıxır. Bəs, uşağa həmin məktəbdə ingilis dilini kim tədris edib? Belə və buna bənzər faktlar çoxdur. Bu faktlar hər kəsə, hətta müvafiq qurumlara da məlumdur. Amma o qurumlar tərəfindən bu kimi hallara göz yumulur. Digər bir məqam isə direktorların bu məqamdan istifadə edib gəlir əldə etməsidir. Bəzi rayon, kənd məktəblərinin direktorları şagirdlərin valideynlərindən aldığı vəsait hesabına uşağın adını təhsil müəssisəsinə qeydiyyata salır. Uşaq özü paytaxtda hazırlıq keçir, amma adı rayon məktəbində gedir. Sabah da Dövlət İmtahan Mərkəzi nəticələri elan edəndə deyirlər ki, bu rayonun şagirdlərinin nəticələri yüksəkdir. Əslində isə bu belə deyil”.

“Hesab edirəm ki, əgər şagird ali təhsil istiqaməti üzrə hazırlaşmaq istəyirsə, 10 və 11-ci sinifi təhsil müəssisəsində konkret hazırlıq keçməlidir. Bunu da ödənişli əsaslarla etmək lazımdır ki, müvafiq olaraq fəaliyyət göstərən təhsil müəssisələri bir-biri ilə rəqabət apara bilsinlər. Əgər şagirdlər 10-11-ci sinifləri orada konkret ali təhsil müəssisələrinə hazırlaşarlarsa, müvafiq ödəniş ödəsinlər. Necə ki, repetitor yanına gedib ayda 600-700 manat ödəyirlər, burada da elə olsun. Təhsil müəssisəsi də bunu nəzərə alıb məktəbin perespektivli müəllimlərini toplayıb konkret istiqamətlər üzrə şagirdlərə təhsil verərlər. Belə olduğu halda təhsili məktəbə qaytarmaq və repetitorluğun qarşısını müəyyən qədər almaq olar. Sabah da hansı məktəbin şagirdlərinin real neçə bal topladığını müəyyən etmək olar. Həmçinin əgər məktəb rəhbərlərinə ciddi tapşırıq verilsə və mütəmadi olaraq yoxlamalar aparılsa, belə faktların qarşısını almaq olar. Direktor bilsə ki, məktəbə kənar uşaq götürmək, uşağı başqa məktəbə köçürmə halları qadağandır, onu müvafiq cəza gözləyir, o zaman qanunsuz fəaliyyətə yol verməz”.