Qırğızıstanda dondurma maşını təbiət qoynunda qırğız xalq dastanı “Manas”ı ifa edən 29 uşağı vurub.
Reyting.az xəbər verir ki, hadisə Cəlal-Abad rayonunun Suzak yaşayış məntəqəsində qeydə alınıb.
“Kabar” agentliyinin məlumatına görə, saat 13:30 radələrində avtomobil izdihamlı uşaqların üstünə çıxıb. Bu zaman sükan arxasında heç kim olmayıb.
Səhiyyə Nazirliyindən jurnalistlərə verilən məlumata görə, 7 uşaq rayon xəstəxanasının reanimasiya şöbəsinə yerləşdirilib, onlardan üçünün vəziyyəti ağırdır. 11 uşaq digər xəstəxanalara yerləşdirilib, daha 11 nəfərə isə yerindəcə tibbi yardım göstərilib.