Qovunun saymaqla bitməyən inanılmaz faydaları - FOTO

Güclü bir kalium qaynağı olan qovun xüsusilə yay aylarında tez-tez istehlak edilir.

BAKU.WS xarici mediya istinadən mövsüm meyvəsinin faydalarını təqdim edir.

Yay aylarında qarpızdan sonra ən çox seçilən meyvələrdən biri olan qovun tərkibindəki yüksək kalium ilə diqqət çəkir. Qovun tərkibindəki vitaminlər də bu şirəli meyvəyə üstünlük verilməsinin səbəblərindən biri ola bilər.

A və C vitaminləri ilə zəngin olan qovun, xüsusilə yay aylarında həm təravətləndirici həm də bir çox sağlamlıq faydası təmin edir.

Bir stəkan qovun təxminən 155 qram su ehtiva edir. Bu su qovun çəkisinin təxminən 90 faizini təşkil edir. Qəbul etdiyiniz su ilə yanaşı, yediyiniz meyvə və tərəvəzlərin tərkibindəki su da orqanizmdə su və elektrolit balansının qorunmasına kömək edir.

Xüsusilə yay aylarında qovun tərləmə nəticəsində itirilən suyu əvəz etmək üçün yaxşı bir qəlyanaltı ola bilər. Həm də məşqdən sonra sağlam bir qida sayılır.

Aşağı natrium və yüksək kalium tərkibi qan təzyiqini tarazlaşdırmaqda faydalı ola bilər. Kalium qan damarlarını rahatlaşdıraraq qan axını tənzimləməyə kömək edir. B vitaminləri və fol turşusu mənbəyi olan qovun, bədəndə iltihabı göstərən homosistein səviyyəsinin azaldılmasında rol oynayır.

Adekvat fol turşusu istehlakı da insult riskini azaltmağa kömək edir. Lakin tərkibində yüksək kalium olduğu üçün böyrək xəstələrinin həkim nəzarəti altında qovun istehlak etməsi tövsiyə olunur.

Siz qovun yeməyin faydalarını dərinizdə hiss edə bilərsiniz. Qovun tərkibindəki C vitamini dəri toxumasının bərpası üçün zəruri olan kollagenin əmələ gəlməsini dəstəkləyir. Kollagen həmçinin dərinizi günəşin zərərli UV şüalarından qorumağa kömək edir.

Bədəniniz tərəfindən istehsal olunmayan və yalnız meyvə və tərəvəzlərlə qəbul edilə bilən C vitamini gündəlik C vitamini ehtiyacınızı əhəmiyyətli dərəcədə qarşılayır. C vitamini sağlamlıq üçün son dərəcə vacib olan antioksidanlarda da güclüdür.

A vitamini saç sağlamlığı üçün mühüm rol oynayır. Daha canlı və parlaq saçlar üçün diyetinizə qovun əlavə edə bilərsiniz.

Kalsium dişləriniz də daxil olmaqla sümükləriniz üçün vacib bir mineraldır. Qovun kalsiumla zəngin meyvədir. İltihab əleyhinə olan bu meyvə artrit kimi iltihablı xəstəliklər və osteoporoz kimi xəstəliklərin öhdəsindən gəlmək üçün sümükləri gücləndirir.

Qovun tərkibindəki kalium orqanizmdə sakitləşdirici təsir yaradır. Stressdən azad edən qida olaraq xarakterizə edilən qovun diqqəti asanlaşdırır. Kalium ürək döyüntüsünü normallaşdırır və beyinə oksigen axını asanlaşdırır. Bu, sakitləşməyə və diqqəti toplamağa kömək edir.