Qaltye: “Fransada bir daha belə bir şey görməyəcəyik”

PSJ-nin keçmiş baş məşqçisi Kristof Qaltye Lionel Messi, Neymar və Kilian Mbappe kimi ulduz futbolçularla işin xüsusiyyətlərindən danışıb.

Arena.az “RMC Sport” dərgisinə istinadən, fransız mütəxəssisin bu barədə fikirlərini təqdim edir:

“Belə oyunçularla idarəetmə prosesi fərqli şəkildə baş verir. Fikir mübadiləsi ofisdə təkbətək aparılır. Onların hər biri son dərəcə fərdidir. Qeyri-ənənəvi oyunçuların bu cür seçimi ilə ən kiçik qarşılıq, ən kiçik baxış, yersiz təbəssüm, him-cim və ya davranış beynəlxalq miqyasda müzakirə edilir.

Meydanda oynamaq baxımından məndə bir vəsvəsə vardı. Hər üçü əla tərəfdaş olmalı və mütəşəkkil oynamalı idi. Düşünürəm ki, Fransada bir daha belə bir şey görməyəcəyik. Həm oyun, həm də maliyyə baxımından çox uğurlu idilər. Amma Neymar zədə səbəbindən sıradan çıxdı, o zaman isə hamı bu haqda unutdu”, deyə Qaltye bildirib.

Xatırladaq ki, 2023-cü ilin fevralın 20-də Neymar topuq zədəsi alaraq, mövsümün qalan hissəsini buraxmalı olmuşdu.

Kristof Qaltye 2022-2023-cü illərdə PSJ-ni çalışdırıb.