İnzaqi: “Çempionluğa rəğmən, “Sassuolo”ya məğlubiyyətə acıyırıq”

“İnter”in baş məşqçisi Simone İnzaqi A Seriyasının 35-ci turunun autsayder “Sassuolo” ilə səfər oyununda məğlubiyyət (0:1) haqda danışıb.

Arena.az “Eurosport” dərgisinə istinadən, italyan mütəxəssisin bu barədə fikirlərini təqdim edir:

“Uduzmağı sevmirik, amma “Sassuolo”ya layiq olduğu dəyəri verməliyik: onlar oyunun birinci hissəsinə bizdən daha yaxşı girdilər. Bununla belə, oyunun ikinci hissəsində bir neçə dəyişiklik sayəsində yaxşılaşa bildik. Beş gün ərzində A Seriyasında qalib gəlsək və ikinci ulduz qazansaq da, bu axşam bu məğlubiyyətin acısını hiss edirik”, deyə İnzaqi vurğulayıb.

Xatırladaq ki, bu, “Sassuolo”nun cari mövsümdə A Seriyasında “İnter” üzərində ikinci qələbəsidir. Birinci dövrədə “Sassuolo” Milan səfərində “İnter” üzərində 2:1 hesablı əzmkar qələbə qazanmışdı.
35 oyundan 89 xal toplamış “İnter” A Seriyasının yarış cədvəlinin zirvəsində qərarlaşıb. “Sassuolo” isə 29 xalla 19-cu pillədə yer alıb və A Seriyasını tərk etmək təhlükəsi ilə üz-üzədir.