Bu məsələni ictimaiyyətin diqqətinə çatdırmaq lazımdır- ÖZƏL

Bu fikirləri Olaylar.az-a açıqlamasında siyasi şərhçi Əli Mustafa qeyd edib:

"Burda bir şeyi nəzərə alaq ki, Qərbi Azərbaycan kökənli insanlar yalnız Azərbaycanda deyil, Güney Azərbaycan, Anadolu, Rusiyada, hətta Türkiyədəki dostlarımızın dediyinə görə Türkiyədə 2 milyona yaxın Qərbi Azərbaycan kökənli insanlar məskunlaşıb. 5 milyona yaxın Qərbi Azərbaycan kökənli türkün bu gün dünyanın müxtəlif ölkələrinə səpələnməsi barədə bilgilər var. Vəziyyət bu qədər dəhşətlidir. 30 min km-lik ərazidən əhali boşaldılıb və bu, 200 il ərzində baş verib. Ordan çıxarılan insanlar sonradan başqa coğrafiyalarda məskunlaşıblar, artıb, çoxalıblar. Bu 3-5 günün faciəsi deyil. 200 il ərzində bu coğrafiyada olan türklər öncə rus ordusu tərəfindən, sonra da orda məskunlaşdırılan ermənilər tərəfindən müəyyən dövrlərdə hakimiyyətsizliyə, basqınlara məruz qalıblar. Yəni bu bölgədə böyük faciə yaranıb. 
Beynəlxalq hüquq müstəvisinə gəldikdə, beynəlxalq qanunvericilikdə məcburi köçkünlər məsələsi var. Məcburi köçkünlərin hüquqları ilə bağlı konvensiyalar var. Sadəcə olaraq bu mövzunu peşəkar səviyyədə işləmək, BMT-ə qaldırmaq, ictimaiyyətin diqqətinə çatdırmaq lazımdır".