Paşinyan Moskvada Qələbə paradına niyə gəlməyəcəyini açıqlayıb

“Ermənistanın heç bir lideri Moskvada keçirilən Qələbə Paradında hər il iştirak etməyib”.

Azpost.info xəbər verir ki, bunu Ermənistan Baş naziri Nikol Paşinyan deyib.

Paşinyan bu il mayın 9-da Rusiya paytaxtına niyə gəlməyəcəyini belə izah edib.

“Mayın 9-da Moskvada keçirilən tədbirlərdə Ermənistanın hər hansı başqa liderinin hər il iştirak etməsini xatırlamıram. Yaxud hansısa başqa ölkənin liderinin iştirakını. Sizcə, bu qəribə deyil? – Baş nazir bildirib.

Bir gün əvvəl Rusiya prezidentinin köməkçisi Yuri Uşakov bildirmişdi ki, Paşinyan mayın 8-də Moskvada olacaq və orada Rusiya prezidenti Vladimir Putinlə görüşəcək. O qeyd edib ki, iki ölkə arasında təmaslar nəzərə çarpacaq dərəcədə azalıb və problemli məsələlər yığılıb. Ona görə də Moskva bu görüşə böyük əhəmiyyət verir.

Mayın 8-də Moskvaya səfər edəcəyini Paşinyan özü də təsdiqləyib.

Azpost.info