Paşinyan 44 günlük müharibəni administrasiyasının ən mühüm uğursuzluğu kimi qiymətləndirib

Ermənistanın Baş naziri Nikol Paşinyan 44 günlük müharibəni administrasiyasının ən mühüm uğursuzluğu kimi qiymətləndirib.

BiG.AZ xəbər verir ki, o bunu mayın 7-də keçirdiyi mətbuat konfransında deyib.

Baş nazir 44 günlük müharibədən qaçmağın niyə mümkün olmadığını izah edib.

"2018-ci ildən Dağlıq Qarabağda vəziyyət dalana dirənib. 2018-ci ildən irəli getmək üçün bu addımları atmaq lazım idi: birincisi, yeddi rayonun qaytarılması, ikincisi, Dağlıq Qarabağın təkcə ermənilər tərəfindən deyil, həm də azərbaycanlılar tərəfindən idarə olunduğunu qəbul etməklə onun mövcud statusunun həllini nəzərdə tuturdu. Bu, əvvəllər Qarabağı tərk etmiş azərbaycanlıların geri qayıtması üçün təminatların yaradılmasını tələb edərdi. Bundan əlavə, Dağlıq Qarabağın statusu ilə bağlı qərarın qeyri-müəyyən müddətə təxirə salınmasını tələb edirdi. Bütün bunlar edilsə belə, müharibə yenə də qaçılmaz olaraq qalacaqdı", - deyə Paşinyan bildirib.