ABŞ-ın Ermənistandakı səfiri müxalifət nümayəndələri ilə görüşüb

ABŞ-ın Ermənistandakı səfiri Kristina Kuinn parlament müxalifətinin nümayəndələri ilə görüşüb. 

Senzor.az bildirir ki, bu barədə səfirliyin mətbuat xidməti məlumat yayıb.

“Səfir Kuinn bu gün geniş spektrli məsələləri, o cümlədən Ermənistanda demokratiyanın inkişafına, insan haqlarına və sülh prosesinə ABŞ-ın necə yardım edə biləcəyi barədə fikirləri dinləmək və müzakirə etmək üçün parlament müxalifətinin nümayəndələri ilə görüşüb”, - deyə məlumatda bildirilib.

Səfir ABŞ-ın Ermənistanın suverenliyi və ərazi bütövlüyünü dəstəklədiyini vurğulayıb və Alma-Ata Bəyannaməsinin delimitasiya üçün əsas kimi qəbul edilməsinə dair İrəevan və Bakı arasında bu yaxınlarda əldə edilmiş razılaşmanı alqışladığını bildirib.

Senzor.az