Britaniya Rusiyanın müdafiə attaşesini ölkədən çıxaracağını açıqlayıb
İngiltərə Rusiyanın zərərli kəşfiyyat fəaliyyətlərinə istinad edərək, bu ölkənin müdafiə attaşesini deportasiya edəcəyini, Rusiya ilə əlaqəli bəzi mülklərin diplomatik statusunu ləğv edəcəyini və Rusiya diplomatik vizalarının müddətini məhdudlaşdıracağını açıqlayıb.
İngiltərə Xarici İşlər, Daxili İşlər və Müdafiə nazirliklərinin birgə bəyanatına görə, daxili işlər naziri Ceyms Kleverli Rusiyanın kəşfiyyat məlumat toplama əməliyyatlarını hədəfə almağa və aradan qaldırmağa yönəlmiş tədbirlər paketini həyata keçirəcəklərini açıqlayıb.
Açıqlamada adı açıqlanmayan Rusiya müdafiə attaşesinin deportasiya ediləcəyi paylaşılıb.
Açıqlamaya görə, kəşfiyyat məqsədləri üçün istifadə olunduğu güman edilən İngiltərədəki bəzi rus mülklərindən “diplomatik obyekt” statusu götürüləcək və rus diplomatlarının İngiltərədə istifadə edə biləcəyi müddətin məhdudlaşdırılması da daxil olmaqla, Rusiya diplomatik vizalarına yeni məhdudiyyətlər qoyulacaq.
Açıqlamaya görə, Rusiyanın Londondakı səfiri Andrey Kelin Xarici İşlər Nazirliyinə çağırılıb və Rusiyanın hərəkətlərinə dözülməyəcəyi bir daha bildirilib.
