Tyerri Anri onu PSJ tarixinin ən yaxşı oyunçusu adlandırdı

Fransa yığmasının sabiq hücumçusu Tyerri Anri PSJ-nin fransalı ulduzu Kilian Mbappenin “Real”a mümkün transferi haqda danışıb.

Arena.az xəbər verir ki, ötənlərin məşhur futbolçusu bu barədə fikrini qısa ifadə edib:

“Kilian Mbappenin “Real”a keçidi? Hamımız onun gedəcəyini bilirik”, deyə Anri yaradıcı bir kədərlə ifadə edib.

Tyerri Anri həm də Kilian Mbappeni Paris klubunun tarixinin ən yaxşı oyunçusu adlandırıb:

“Məncə, Mbappe PSJ tarixinin ən yaxşı oyunçusudur. Onun töhfəsini və Parisdəki çıxışı ilə dünyaya verdiyi təsiri nəzərə alaraq, o, artıq tarixinə ən yaxşısı kimi düşmüş bu komandadan ayrılacaq”, deyə Anri bildirib.

Xatırladaq ki, Kilian Mbappe 2018-ci ildən PSJ-də çıxış edir. Fransalı ulduz futbolçu Paris klubuna həmin ilin iyulunda 180 milyon avro müqabilində “Monako”dan keçib. Kilianın Fransa nəhəngi ilə cari müqaviləsi 2024-cü ilin iyun ayının sonuna qədər qüvvədədir.

Cari mövsümdə ulduz hücumçu parislilərin heyətində bütün yarışlarda 46 oyuna çıxıb, 43 qol vurub, 10 məhsuldar ötürmə verib.

Mbappenin PSJ-nin heyətində çıxışının ümumi mənzərəsi isə belədir: 306 oyun, 255 qol, 108 məhsuldar ötürmə.

Kilian Mbappe hazırda kapitanı olduğu, 2017-ci ilin martında debüt etdiyi Fransa yığmasının heyətində 77 oyun keçirib, 46 qol vurub və 31 məhsuldar ötürmə verib. Kilian “xoruzlar”la 2018-ci ildə Rusiyada keçirilmiş dünya çempionatının (DÇ-2018) qalibi olub.

“Transfermarkt” internet-portalı 25 yaşlı hücumçunun transfer dəyərini 180 milyon avro məbləğində qiymətləndirir. Bu məbləğ Mbappenin dünyanın 3 ən bahalı futbolçusundan biri olması deməkdir.