77 şagirdimiz dünyanın qabaqcıl universitetlərinə qəbul alıb.
APA xəbər verir ki, bunu elm və təhsil naziri Emin Əmrullayev bu gün keçirilən “Ən yaxşı təqdimat” müsabiqəsi qaliblərinin mükafatlandırılması mərasimində çıxışı zamanı deyib.
O bildirib ki, son illər Respublika fənn olimpiadalarına qatılan uşaqlar arasında 9, 10 və 11-ci sinif şagirdləri ilə yanaşı 8-ci sinif şagirdləri də var:
“Fənn olimpiadalarında iştirak edən şagirdlərin ümumi sayı isə 40 min nəfərdir”.
Nazir, həmçinin əlavə edib ki, xaricə təhsil üçün müraciət edən 220 nəfərdən 77 nəfəri qabaqcıl dünya universitetlərinə qəbul alıblar:
“Onlar arasında tam təqaüd alanlar da var. Bu çox müsbət dinamikadır. Respublika daxilində keçirilən olimpiadalar təbii ki, müsbət nəticələrə hesablanıb”.