“Neftçi”nin hücumçusu Yeqor Boqomolski Azərbaycan Premyer Liqasının 35-ci turunda “Səbail”ə qarşı keçirdikləri oyunu şərh edib.
Bu görüş “ağ-qaralar”ın 3:0 hesablı səfər qələbəsi ilə yekunlaşıb.
Matçın ardından qalib komandanın yarımmüdafiəçisi Yeqor Boqomolski Arena.az saytının suallarını cavablandırıb:
– Oyun haqda təəssüratlarınız necədir?
– Qələbə qazandığımıza görə sevincliyəm. Növbəti matça daha da ciddi hazırlaşacağıq. “Sabah”la maçtda böyük ölçüdə hər şey həll olunacaq. Həmin oyunun önəmi böyükdür.
– Öz çıxışınızı necə dəyərləndirirsiniz?
– Mənə güvənilməsinə görə şadam. Daha çox iş görüb komandama faydalı olmağa çalışacağam.
– Birinci hissədəki passiv çıxışınızın səbəbi nə idi?
– Birinci hissədə bizim şanslarımız var idi. Passiv oyun sərgilədiyimizi deməzdim. Bərabər oyun gedirdi. Sadəcə, meydança amili öz sözünü deyirdi.
– “Sabah”la matç barədə nə düşünürsünüz?
– Matça ciddi hazırlaşacağıq. Qeyd etdiyim kimi, həlledici oyun olacaq. Meydana yalnız qələbə üçün çıxacağıq.
Nahid Ustaclı