Türkiyə İran prezidenti İbrahim Rəisinin olduğu helikopterin qəzaya uğramasından sonra axtarış-xilasetmə işlərinə dəstək üçün hərəkətə keçib.
Doğru.az xəbər verir ki, bu barədə Türkiyə Xarici İşlər Nazirliyi məlumat yayıb.
“Axtarış-xilasetmə fəaliyyətlərinə hər cür dəstəyin göstərilməsi üçün tədbirlər görülür”, – deyə məlumatda qeyd olunub.
Həmçinin Türkiyə Prezidenti Rəcəb Tayyib Ərdoğan da öz dəstəyini bildirib.
“Türkiyə olaraq, helikopter qəzası ilə əlaqədar İrana lazımi dəstəyi verməyə hazırıq”, – deyə ölkə lideri özünün “X” hesabında yazıb.
DOĞRU.AZ