Adı açıqlanmayan diplomatik mənbə bildirib ki, son aylarda İran hökuməti və onun proksi qüvvələrinin regionda yaratdığı təhdidlərdən sonra ABŞ və bəzi Qərb ölkələri İran hökumətinə qarşı sanksiyalar tətbiq etməyi düşünürlər.
NOCOMMENT.az “Azad İran” telegram kanalına istinadən xəbər verir ki, məlumatlı mənbə deyib:
“ABŞ və bir sıra Qərb ölkələrinin İrana qarşı nəzərdə tutduğu yeni sanksiyalar “Hərtərəfli Birgə Fəaliyyət Proqramı”nı imzalamadan öncə İran hökumətinə qarşı tətbiq edilən sanksiyalara bənzəyir. Bayden hökuməti İranla bağlı siyasətini dəyişməyə qərar verib və uranın zənginləşdirilməsini azaltmaq və regionda aqressiv davranışlardan çəkinmək üçün İran hökumətinə #diplomatik basqı göstərmək əvəzinə, sanksiyaları artıraraq İran hökumətinə təzyiq göstərəcək”, – deyə, qeyd edilib.
