Oktyabrın 14-də səhər Qazax rayonunun Quşçu Ayrım kəndi (Ermənistanla sərhəddə) ərazisində yerli sakin İlkin Sarıyev (2001-ci ildə anadan olub) piyada əleyhinə minaya düşüb. Bu barədə Daxili İşlər Nazirliyi, Baş Prokurorluq və Minatəmizləmə Agentliyinin birgə məlumatında deyilir.
Gənc mal-qara otararkən yaralanıb. O, sağ ayağından xəsarət alıb, xəstəxanaya aparılıb, vəziyyəti stabildir, məlumatda bildirilir.
Xəsarətin ağırlıq dərəcəsi açıqlanmır.
