UFAZ-da 2025-ci ilin yaz semesterinin dərslərinə start verilib.
Universitetdən TƏHSİL.BİZ -ə bildirilib ki, UFAZ-da davamlı qiymətləndirmə sistemi tətbiq olunur. UFAZ-da tətbiq olunan qaydalara əsasən, yekun semestr imtahanları ləğv edilib və qiymətləndirməni həyata keçirmək üçün nəzərdə tutulan 3 müxtəlif tapşırıq və ya aralıq imtahanı semestrin sonunda yekunlaşdırılır. Nəticədə, tələbələr bütün fənləri semestr boyunca öyrənir və daim hazırlıqlı olurlar. Bu qərar UFAZ-ın Elmi Komitəsinin tövsiyəsi ilə Rəhbər Komitənin iclasında qəbul olunub.
Qeyd edək ki, UFAZ-da akademik təqvimə əsasən tədris ilinin başlama və bitmə tarixləri hər il fərqli ola bilər. Məsələn, 2024-2025-ci tədris ilinin payız semestri 2 sentyabrdan 20 dekabra qədər davam edib. Yaz semestri isə 21 yanvar tarixindən may ayının 30-dək davam edəcəkdir.
