Kolumbiyanın qeyri-qanuni miqrantları daşıyan ABŞ təyyarələrinin enişinə icazə verməməsi ilə iki ölkə arasında yaranan gərginlik aradan qaldırılıb.
Publika.az xəbər verir ki, məsələ ilə bağlı Ağ Ev məlumat yayıb.
“Kolumbiya hökuməti ABŞ hərbi təyyarələrinin və Birləşmiş Ştatlardan geri qaytarılan bütün qeyri-qanuni mühacirlərin heç bir məhdudiyyət olmadan qəbulu da daxil olmaqla, Trampın bütün şərtlərini qəbul edib”, - açıqlamada bildirilir.
Həmçinin Kolumbiyaya gömrük rüsumları və sanksiyalar tətbiq edəcək qərarların razılaşmaya əməl ediləcəyi təqdirdə imzalanmayacağı və ehtiyatda saxlanacağı qeyd olunub:
“Bu gün baş verənlər Amerikaya yenidən hörmət edildiyini bütün dünyaya açıq şəkildə göstərir. Prezident Tramp ABŞ-da qeyri-qanuni olan vətəndaşların deportasiyasını qəbul etmək məsələsində dünyanın bütün ölkələrindən tam əməkdaşlıq gözləyir”.
