Fələstinin radikal HƏMAS hərəkatı razılaşmanın birinci mərhələsində azad ediləcək 33 israilli girovdan 25-nin adlarının siyahısını İsrailə təhvil verib.
Bu barədə hərəkatın nümayəndəsinə istinadən "Reuters" agentliyi məlumat yayıb.
“Həmas azad edilməsi planlaşdırılan 33 israilli girovdan 25-nin hələ də sağ olduğunu göstərən siyahını vasitəçilərə təhvil verib”, - materialda deyilir.
Nəşr qeyd edir ki, İsrail bu siyahını Qəzza zolağında atəşkəs razılaşmasının vasitəçilərindən alıb.
